María Ögn Guðmundsdóttir

Um þig – Hvað heitir þú, hvað ertu gamall og hvað ertu að gera í lífinu?

María Ögn Guðmundsdóttir 46 ára útistelpa. Ég vinn sem hjólaleiðsögumanneskja á hálendi Íslands og keyri einnig litlar rútur og stóra jeppa með ferðamenn og skoðum náttúru Íslands á gönguskónnum.

Íþróttin – Hvenær byrjaðir þú að hjóla og hvernig kviknaði áhuginn?

Ég byrjaði að hjóla í Bláa Lóns keppninni 2008 en neistinn kviknaði þegar ég sat kasólétt í tölvunni í sófanum ári áður og sá auglýsingu frá Þríþrautafélagi Reykjavíkur. Ég er skíðastelpa frá Ísafirði og hjólaði slatta þegar ég var krakki og unglingur og átti þá einmitt hið mest selda TREK 820.

Hvenær hófst samstarf þitt við Örninn og hvað hefur það gert fyrir þig?bæði í götu- og fjallahjólreiðum.

Við Örninn byrjuðum saman 2011, það ár var ég valin í Landsliðið og keppti á Smáþjóðaleikunum í Liecthenstein, sem var þá í fyrsta skiptið sem kona keppti fyrir hönd Íslands í hjólreiðum erlendis. Samstarfið við Örninn hefur að svo mörgu leiti mótað með mér leiðina sem ég fór í þessu hjólreiðalífi, við höfum gert svo mikið saman og ég mun aldrei getað þakkað nægilega fyrir þennan dýrmæta stuðning og vináttu sem fyirrtækið hefur gefið mér.

Vörurnar – Hvaða vörur ertu með frá okkur og hver er uppáhaldsvaran þín?

Byrjum á 11 ára gamlingjanum mínum, TREK Boone cyclocross hjólinu, sem bara klikkar ekki og trukkast áfram á nagladekkjum í gegnum snjóinn á veturnar. TREK Emonda, Project one götuhjól sem er orðin 5 ára og lítur út og virkar eins og hún hafi verið að koma upp úr kassanum. TREK Top Fuel fjallahjól, 120mm fjöðrun sem ég elska, fjallahjólreiðarnar eru uppáhalds greinin mín ef ég þyrfti að velja. TREK Checkpoint malarhjól, þetta hjól er sko búið að ferðast með mér út um allan heim og við átt langa daga saman og mér finnst alltaf eins og við séum svona pússl sem smellur saman þegar ég sest á það.

Markmið – Hver eru markmið þín í íþróttinni og hvað er fram undan?

Ég er búin að keppa í hjólreiðum í svakalega mörg ár, er 20 faldur Íslandsmeistari og hef ekki tölu á því hvað ég hef unnið margar keppnir í mínu hjólreiðakeppnislífi. Í endann á mínum keppnisferli fór ég erlendis og keppti í malarhjólreiðum með góðum árangri sem atvinnumannskja með Frönsku liði í fimm ár og það verkefni kláraðist núna 2024. Ég finn að ég er södd fyrir árangri í keppnum, en ég elska að hjóla ein eða með skemmtilegu fólki, að hvetja fólk til þess að hjóla og síðan rúlla um með ferðamenn í náttúru Íslands.

Annað – Ef það er eitthvað fleira skemmtilegt sem þú vilt koma á framfæri er þér velkomið að bæta því við.

Það er svo magnað hvað það að velja sér hjólið sem áhugamál fer með þig á marga staði, sama hvort það sé í nærumhverfinu, um landið eða lengra. Það er svo oft sem mér hefur liðið eins og ég hafi aðgang að VIP lífi náttúrunnar.