Persónuverndarstefna

Við söfnum aðeins þeim upplýsingum sem nauðsynlegar eru til að afgreiða pantanir, sinna þjónustu og senda fréttabréf ef samþykki liggur fyrir.

Samskipti við þjónustuver. Þegar þú hefur samband við okkur með tölvupósti skráum við erindið, nafn þitt og netfang, efni skilaboðanna og viðhengi í þjónustukerfi okkar. Við notum þessar upplýsingar til að svara þér og afgreiða erindið, og til þess getum við flett upp pöntunum sem tengjast netfangi þínu. Vinnslan byggir á því að efna samning við þig eða gera ráðstafanir að beiðni þinni, og á lögmætum hagsmunum okkar af því að veita góða þjónustu.

Við geymum upplýsingarnar í 3 ár eftir að erindi lýkur og eyðum þeim þá. Afrit geta verið til í allt að 30 daga til viðbótar. Við notum þær ekki í markaðstilgangi.

Þjónustukerfið er hýst hjá DigitalOcean í Frankfurt í Þýskalandi og tölvupóstur hjá Microsoft. Þessir aðilar vinna gögnin aðeins fyrir okkur, samkvæmt vinnslusamningum. Fyrirtækin eru bandarísk, og þar sem gögn gætu borist út fyrir EES byggir það á stöðluðum samningsákvæðum.

Viðskiptavinur á rétt á aðgangi, leiðréttingu, eyðingu og takmörkun vinnslu samkvæmt lögum.

Skilaboð á Facebook og Instagram. Þegar þú sendir okkur skilaboð á Facebook (Messenger) eða Instagram, eða skrifar athugasemd við færslu okkar, skráum við skilaboðin, nafnið sem þú notar þar og auðkenni frá Meta í sama þjónustukerfi. Við notum þau eingöngu til að svara þér og fylgja erindinu eftir, og geymum þau eins og önnur erindi. Myndir og viðhengi sem þú sendir þar eru ekki afrituð í kerfið. Meta Platforms Ireland Ltd. ber ábyrgð á vinnslu innan Facebook og Instagram sjálfra.

Aðgangur og eyðing gagna. Þú getur beðið um afrit af gögnum þínum eða að þeim verði eytt með því að senda tölvupóst á orninn@orninn.is. Ef beiðnin varðar Facebook eða Instagram, tilgreindu nafnið sem þú notar þar. Við staðfestum móttöku og afgreiðum beiðnina innan 30 daga.

Fyrirtækjaupplýsingar

• Örninn hjól ehf.
• Faxafen 8, 108 Reykjavík
• Kt. 480904-2730
• VSK #84101
• orninn@orninn.is
• S. 588-9890