Ingvar Ómarsson

Um þig – Hvað heitir þú, hvað ertu gamall og hvað ertu að gera í lífinu?

Ég heiti Ingvar, er 37 ára gamall. Þegar ég er ekki að hjóla sjálfur er ég að þjálfa aðra hjólara eða að kenna fólki hvernig það getur hugsað sem best um hjólið sitt.

Íþróttin – Hvenær byrjaðir þú að hjóla og hvernig kviknaði áhuginn?

Þegar ég var 15 ára langaði mig að eignast BMX-hjól því vinir mínir voru allir á þannig hjólum. Síðan þá hef ég verið á fullu í hjólreiðum. Gaman að segja frá því að BMX-hjólið keypti ég einmitt í Erninum!

Samstarfið – Hvenær hófst samstarf þitt við Örninn og hvað hefur það gert fyrir þig?

Ég byrjaði að keppa fyrir Örninn í byrjun árs 2019 og samstarfið hefur haft mikil áhrif á mig sem keppanda í ólíkum greinum hjólreiða.Ég nota mörg mismunandi hjól eftir því hvaða keppni ég er að undirbúa og Trek býður upp á einhver bestu hjól sem völ er á. Þess vegna hef ég aldrei þurft að hafa áhyggjur af búnaðinum – ég get einbeitt mér að æfingunum og keppninni.

Vörurnar – Hvaða vörur ertu með frá okkur og hver er uppáhaldsvaran þín?

Ég á Trek Checkmate fyrir malarhjólreiðar og cyclocross, Trek Madone fyrir götuhjólreiðar, Trek Supercaliber fyrir fjallahjólreiðar og Trek Speed Concept fyrir tímatökur.Einnig nota ég hjálma og hjólaskó frá Trek sem eru í miklu uppáhaldi hjá mér. Ef ég ætti að velja eina uppáhaldsvöru væru það götuhjólaskórnir frá Trek, en uppáhaldshjólið mitt er Checkmate. Það er langfjölhæfasta hjól sem ég hef átt.

Markmið – Hver eru markmið þín í íþróttinni og hvað er fram undan?

Ég hef verið lengi í hjólreiðum og náð góðum árangri. Í dag snúast markmiðin fyrst og fremst um að halda áfram að hafa gaman af því að æfa og keppa og njóta ferðalagsins frekar en áfangastaðarins.Fram undan eru ýmis erlend mót, en í dag keppi ég nánast eingöngu í malarhjólreiðum þegar ég fer erlendis.