Kristín Edda Sveinsdóttir

Um þig – Hvað heitir þú, hvað ertu gamall og hvað ertu að gera í lífinu?

Ég heiti Kristín Edda Sveinsdóttir, er 27 ára og eignaðist mitt fyrsta barn í febrúar. Ég er því þessa dagana að sameina mömmulífið, nám og æfingar.
Íþróttin.

Íþróttin – Hvenær byrjaðir þú að hjóla og hvernig kviknaði áhuginn?

Ég byrjaði að æfa hjólreiðar árið 2012, þá 13 ára, eftir að ég tók þátt í Krakkaþraut HFR í Heiðmörk. Þar kviknaði áhuginn en það var samt erfitt að finna félag sem var til í að leyfa svona ungum krakka að koma að æfa. Ég fékk tækifæri hjá HFR og hef verið með þeim síðan. Sem betur fer er þetta breytt en hjá HFR er í dag mjög öflugt barna og unglingastarf. Hjólreiðarnar hafa verið stór hluti af lífi mínu en ég hef keppt mikið í gegnum árin hér heima og erlendis Samstarfið

Hvenær hófst samstarf þitt við Örninn og hvað hefur það gert fyrir þig?bæði í götu- og fjallahjólreiðum.

Samstarf mitt við Örninn hófst árið 2016, þannig að við höfum unnið saman í um 10 ár. Það hefur skipt mig miklu máli að hafa Örninn með mér í gegnum árin og hafa aðgang að góðum búnaði og stuðningi, bæði við æfingar og keppni. Hér heima eru hjólreiðarnar lítið sport og fáar keppnir yfir árið. Til þess að ná góðum árangri þarf maður að keppa í sem flestum greinum og það kallar á fjölbreyttan búnað. Ég hefði ekki getað sinnt sportinu eins vel og ég hef viljað nema með stuðningi frá Erninum.

Vörurnar – Hvaða vörur ertu með frá okkur og hver er uppáhaldsvaran þín?

Öll hjólin mín eru frá Erninum og uppáhaldið er klárlega götuhjólið mitt, Trek Madone Gen 8 😍 Ég er líka með hjálma frá Erninum og þar er Trek Ballista hjálmurinn í uppáhaldi.

Markmið – Hver eru markmið þín í íþróttinni og hvað er fram undan?

Markmiðið mitt núna er fyrst og fremst að byggja mig vel upp aftur eftir barnsburð og koma sterk inn í næsta keppnistímabil. Mig langar að vera komin aftur í mitt besta form næsta sumar og geta barist um efstu sætin á mótum hér heima. Svo er stefnan auðvitað alltaf að halda áfram að bæta mig og sjá hversu langt ég get náð.

Annað – Ef það er eitthvað fleira skemmtilegt sem þú vilt koma á framfæri er þér velkomið að bæta því við.

Það skemmtilegasta við íþróttina fyrir mér er hvað maður er alltaf að finna sér ný markmið. Eftir öll þessi ár á hjólinu finnst mér enn jafn gaman að æfa, keppa og reyna að verða aðeins betri — þó æfingarnar þurfi núna stundum að skipuleggja í kringum mömmulífið 😄