Hjálmadagar!

20. maí 2015 kl. 21:29 Hjálmadagar! Hjálmadagar!

Dagana 20-23. maí eru hjálmadagar hjá okkur í Erninum. 25% afsláttur af öllum hjálmum og flott buff fylgir með á meðan birgðir endast.

Hafðu hausinn í lagi og fjárfestu í hjálmi!

HFR Criterium

18. maí 2015 kl. 9:34 Elvar Örn Reynisson. Myndina tók Kristinn R. Kristinsson. Elvar Örn Reynisson. Myndina tók Kristinn R. Kristinsson.

Criterium keppni HFR og Bílabúðar Benna (Porsche Criterium) fór fram á miðvikudagskvöldið. Criterium keppnir fara venjulega fram á frekar stuttum hringbrautum (1-3 km) og þá eru margir hringir hjólaðir. Keppnirnar eru stuttar og mikill hraði er í brautinni og veitt eru sérstök sprettverðlaun fyrir ákveðna spretti í miðri keppni. Keppt var á tveggja kílómetra hring á iðnaðarsvæðinu á Völlunum í Hafnarfirði sem er sami hringur og hefur verið notaður síðustu ár.



C-flokkur hjólaði 6 hringi. B-flokkur hjólaði 10 hringi og A-flokkur hjólaði 14 hringi. Örninn-TREK átti nokkra keppendur í A og B flokki. Í A-flokki kvenna vann María Ögn nokkuð örugglega eftir að hafa lent í smá tæknilegum vandræðum á fyrsta hring. Í A-flokki karla náði Hákon 3. sæti en hjólabræðurnir Ingvar og Óskar urðu númer eitt og tvö. Elvar Örn náði 5. sæti og Bjarki, Rúnar Karl og Stefán Haukur urðu aðeins fyrir aftan hann. Í B-flokki karla sigraði svo Elli Cassata snilldarlega. María Ögn er því ósigruð í hjólakeppnum sumarsins og þetta voru þriðju verðlaun Hákonar á 8 dögum. Gríðarlega skemmtilegt mót og frábær árangur hjá okkar fólki.

Fyrsta þríþraut sumarsins

12. maí 2015 kl. 23:47 Mynd frá skiptisvæðinu. Mynd frá skiptisvæðinu.

Fyrsta þríþraut sumarsins, hin árlega sprettþraut Þríkó, fór fram í og við Kópavogslaug um helgina en keppnin hefur nú verið haldin þar í 20 ár í nokkrum útfærslum. Að þessu sinni voru 400m syntir, 3 hringir hjólaðir fyrir Kársnesið (10,4km) og 3,6km hlaupnir. Að auki var boðið upp á barnaþríþraut og fjölskylduþríþraut og voru þátttakendur um 200.

Snjór var yfir öllu skiptisvæðinu um morguninn þegar upphitun fór fram og því ljóst að það yrði ansi kalt að hoppa upp úr sundlauginni beint á hjólið án þess að klæða sig neitt. Auk þess var hjólabrautin blaut og mjög hál í beygjum. Veðrið skánaði töluvert þegar leið á morguninn og þegar þrautinni lauk var komin sól og 5 stiga hiti og allt orðið þurrt. Kepninni lauk með verðlaunaafhendingu og grillveislu og þá voru komnar toppaðstæður.

Mikil spenna ríkti í karlaflokki enda vitað að margir í þeim flokki höfðu lagt vel inn í æfingabankann í vetur. Það fór samt svo að sigurvegari síðustu ára, Hákon Hrafn Sigurðsson, vann þrautina með rúmlega 30 sek forskoti á næsta keppanda. Tími Hákonar var 37:08. Sigurður Örn Ragnarsson varð 2. og Rúnar Örn Ágústsson úr TREK liði Arnarins varð þriðji. Í kvennaflokki var ekki jafn mikil spenna þar sem Sarah Cushing vann nokkuð örugglega á tímanum 45:00. Hörð barátta varð hinsvegar um 2. sætið sem Gígja Hrönn tók og Þórunn Margrét varð þriðja. Margrét Pálsdóttir úr TREK liði Arnarins varð í 7. sæti. Sterkasta þríþrautarkona síðustu ára, Birna Björnsdóttir, var því miður forfölluð í þessari keppni. Næsta keppni fer fram eftir 3 vikur í Hafnarfirði og þá er von á erlendum keppendum í karlaflokki sem munu vonandi veita okkar fólki harða keppni.

2. bikar í fjallahjólreiðum

12. maí 2015 kl. 16:08 María Ögn. Myndina á Arnold Björnsson. María Ögn. Myndina á Arnold Björnsson.

Í síðustu viku fór fram 2. bikar í fjallahjólreiðum. Að þessu sinni var keppt í Öskjuhlíð en það svæði bíður upp á mjög tæknilegar brautir. Keppt var á örlítið breyttri braut frá því í fyrra en nú var búið að gera hana enn tæknilegri enda kallast hún nú Epic brautin. Hringurinn var 5,3km og töluvert klifur var í hringnum, eða um 120m. Það verður að teljast þokkalegt þar sem Öskjuhlíðin sjálf er ekki nema 60m há og því ljóst lítið var um flata kafla í brautinni. Brautin reyndi því gríðarlega á keppendur.

Í kvennaflokki var spennandi keppni til að byrja með á milli Maríu og Bjarkar en María náði síðan um 20 sek forskoti á síðasta hluta fyrsta hrings. Eftir það jók hún forskotið hratt og hjólaði allar hindranir af miklu öryggi. Hún fór hringina þrjá á 61mín og 37 sek og var nærri þremur mínútum á undan Björk sem varð önnur.

Karlaflokkur fór 5 hringi og þar átti Örninn-TREK tvo fulltrúa, Bjarka og Steinar. Þeir stóðu sig mjög vel og Bjarki pressaði vel á Ingvar fyrstu 3 hringina. Ingvar hélt samt alltaf nægu forskoti sem hann bætti síðan við á síðustu tveimur hringjunum og kom hann rúmlega tveimur mínútum á undan Bjarka í mark á 83 mínútum og 16 sek. Bjarki náði því að snúa á Óskar í þessari keppni en Óskar var á undan Bjarka í fyrstu fjallahjólakeppni sumarsins. Steinar náði 5. sæti í þessari keppni eins og þeirri fyrstu. Góður árangur hjá okkar fólki á fjallahjólunum en næsta fjallahjólakeppni er Bláalónsþrautin sem fer fram eftir mánuð og Örninn mun flytja risaféttir af þeirri keppni þegar nær dregur.

Fyrstu keppnir sumarsins

10. maí 2015 kl. 13:49 Hákon Hrafn. Myndina á Arnold Björnsson. Hákon Hrafn. Myndina á Arnold Björnsson.

Nú er keppnsitímabilið nýhafið og tvær keppnir búnar sem gefa stig til bikarmeistara. Í síðustu viku fór fyrsta fjallahjólakeppnin fram á braut við Rauðavatn sem kölluð er Morgunblaðshringurinn en þetta svæði hefur verið notað fyrir fjallahjólakeppnir í 20 ár og margar þekktar brautir hafa verið lagðar þar. Örninn-TREK átti nokkra fulltrúa í keppninni og í kvennaflokki sigraði María Ögn og Margrét Pálsdóttir varð fjórða. Í karlaflokki varð Bjarki Bjarnason þriðji i á eftir bræðrunum Ingvar og Óskari og Steinar varð í 5. sæti.



Á þriðjudag fór svo fyrsta tímakeppni ársins fram sem jafnframt varð fyrsta keppni ársins á malbiki en venjulega er búið að halda eitt hópstart áður. Keppnin fer fram á þríþrautarhjólum með búnaði sem dregur mjög úr vindmótstöðu og þannig nást mun betri tímar en á hefðbundnum götuhjólum. Trek SpeedConcept hjól voru mjög áberandi í þessari keppni. Vindaðstæður voru góðar (mótvindur niður brautina og meðvindur upp hana) en hinsvegar var mjög kalt (2-3 gráður) þrátt fyrir sól.

Í karlaflokki sigraði Hákon Hrafn og Rúnar Örn varð 3. Því miður forfallaðist Birna á síðustu stundu en hún hefur verið ósigrandi í þessari grein síðustu ár. Margrét Páls hélt uppi liðsheiðri Arnarins-Trek með 2. sæti í kvennaflokki á eftir Ölmu Maríu sem sigraði. Í þessari keppni var einnig keppt í götuhjólaflokki og þar sigraði Elvar Örn karlaflokkinn.

10. maí 2015 Stelpusamhjól Arnarins
22. apr 2015 Lokað sumardaginn fyrsta
20. apr 2015 Vor í lofti
14. apr 2015 Viltu vinna Project One?
1. apr 2015 Opnunartími um páska
7. mar 2015 Nýjar vörur streyma inn
1. mar 2015 BBB Samhjól 1. mars
6. jan 2015 Gleðilegt nýtt ár!
17. des 2014 Opnunartími um hátíðarnar
10. des 2014 Jólakveðja
21. okt 2014 Nagladekkin komin í hús
1. okt 2014 Forpöntun 2015
18. sep 2014 Kronborg Járnmaðurinn
10. sep 2014 Kölnar Járnmaðurinn
18. ágú 2014 Viðburðarrík vika að baki